خیالیم سورونرکن

        سیمیت اودالارین داریسقال پنجره لرینده،

        بوغاناقلی سوکوتون أن درین قاتلاریندان

        هوروت - هوروت بویلانان

        داش هئیکل لرله یاناشیب

        گوزلرینده دونوخان داش تکین

        باغیرتیلارین دینله یرکن

        داشلانیب

        اوز ایچیمده درین بیر بوشلوغا جالاندیم.

        اورادا،

        بوتون هئیکل لر اوز گلنک لرینی

        آختارار کن، داشا دونموشدولر

        من ایسه،

        قاپالی کوچه لرین ناساز قوینوندا

        دوشگونله یه ره ک

        ایستکلریم بئینی وین چوللویونده

        چورویوردو!؟

        ایندیسه زامان کلف – کلف

        سوکولور

        سن و قیریق ایپلر...!؟

              بوردا

              دورناگوز بولاقلار

              قیزیل آلمالیقلارین

              ان گئنیشلییینه

              آخیر

              و بالتا قوخوسو گلیر

              دوشونجه بوداقلاریندان

              ***

              آستا یئری یولداش،

              قارانقوشلارین قانادیندا قورویان

              قاندیر

              و بورا

              تانریلار تاپداغی

              آذربایجاندیر.

              بورادا،

              بیر شهرین نفس یولو

              بیر اودادان

              کئچیر!

              هر زامان گئجه دیر

              قاپیلار قاپالی

              اوفکه نیز تووشه یه نده

              منی،اونوتمایین!!!